ڈی جی آئی ایس پی آر نے فیلڈ مارشل کی صدر بننے کی خبروں کو جھوٹ قرار دے دیا

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری نے فیلڈ مارشل سید آصم منیر کی صدر بننے کی خبروں کو جھوٹ قرار دے دیا۔

ڈی جی آئی ایس پی آر لیفٹیننٹ جنرل احمد شریف نے دی اکانومسٹ کو خصوصی انٹرویو دیتے ہوئے فیلڈ مارشل سید آصم منیر کی صدر بننے کی خبروں کی تردید کی۔

انہوں نے کہا کہ فیلڈ مارشل عاصم منیر کی صدر بننے کی خبریں بے بنیاد ہیں، معرکہ حق کے بعد کیے جانے والے سیاسی تبصرے مسترد کرتے ہیں۔

ڈائریکٹر جنرل نے بھارتی دہشت گردانہ حملوں کا فوجی کارروائی کے ساتھ جواب دینے کا عزم کیا۔

دی اکانومسٹ نے سوال کیا کہ پاکستان بھارتی فوجی کارروائی پر کیا ردعمل ظاہر کرے گا؟ ڈی جی آئی ایس پی آر نے جواب دیا کہ ہم اس بار بھارت کے مشرق سے آغاز کریں گے۔

ان کا کہنا تھا کہ شروعات بھارت کے اندر گہرائی سے حملہ کرنے سے ہوگی، بھارت کو سمجھنے کی ضرورت ہے وہ بھی  ہر جگہ مارے جاسکتے ہیں۔