سبی میں ریلوے اسٹیشن کے قریب دھماکا

سبی میں ریلوے اسٹیشن کے قریب دھماکا ہوا ہے۔

ریلوے حکام کے مطابق دھماکا اُس وقت ہوا جب پشاور سے کوئٹہ جانے والی جعفر ایکسپریس اسٹیشن سے کچھ دوری پر تھی۔

دھماکا ریلوے ٹریک سے دو سے ڈھائی فٹ کے فاصلے پر ہوا، واقعے میں کوئی جانی نقصان نہیں ہوا۔

ریلوے حکام کا کہنا ہے کہ سیکیورٹی فورسز جائے وقوعہ پر پہنچ چکی ہیں اور دھماکے کی نوعیت کا تعین کیا جا رہا ہے۔

پشاور سے کوئٹہ جانے والی جعفر ایکسپریس کو سبی اسٹیشن سے روانہ کر دیا گیا ہے، جبکہ کوئٹہ سے پشاور جانے والی جعفر ایکسپریس بھی کچھ دیر میں روانہ کر دی جائے گی۔