راولپنڈی میڈیکل یونیورسٹی میں ڈی جی آئی ایس پی آر اور طلبہ کا قومی جذبے سے بھرپور اظہار

راولپنڈی میڈیکل یونیورسٹی میں پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری کی طلبا کے ساتھ ایک خصوصی نشست کا انعقاد کیا گیا۔

طلبا سے خصوصی نشست کا انعقاد میڈیکل یونیورسٹی میں کیا گیا جس میں طلبا نے افواج پاکستان سے اظہار یکجہتی کیا۔

ڈی جی آئی ایس پی آر اور طلبا کے درمیان سوال و جواب کا سیشن بھی ہوا۔

طلبا کی جانب سے سیشن میں بھرپور پذیرائی اور قومی جذبے کا اظہار کیا گیا۔

طلبا نے کہا کہ ایسی نشست کا انعقاد وقت کی اہم ضرورت ہے، وطن دشمن عناصر نوجوانوں اور افواج پاکستان میں دوری پیدا نہیں کرسکتے، پاکستان کیخلاف اٹھنے والی ہر میلی آنکھ کیخلاف افواج کے ساتھ کھڑے ہیں۔