مری جانے والے سیاحوں کیلئے اہم خبر

ملکہ کوہسار مری میں یومِ آزادی کی تقریبات کے دوران کسی بھی ممکنہ ہنگامہ آرائی سے بچاؤ کے لیے انتظامیہ نے سخت سیکیورٹی اقدامات کرتے ہوئے سیکشن 144 نافذ کرنے کا فیصلہ کیا ہے۔

 ڈپٹی کمشنر کے مطابق 12، 13 اور 14 اگست کو مری کی معروف سیرگاہیں، مال روڈ اور جی پی او چوک، صرف فیملیز کے لیے کھلی رہیں گی۔ ان مقامات پر غیر ضروری عوامی داخلے پر پابندی عائد کر دی گئی ہے۔

نوٹیفکیشن کے مطابق خلاف ورزی کے مرتکب افراد کے خلاف تعزیراتِ پاکستان کی دفعہ 188 کے تحت قانونی کارروائی کی جائے گی، اور مقدمات بھی درج ہوں گے۔