شہریوں کی موجیں؛ ایک ساتھ 4 روزہ طویل تعطیلات

لاہور میں حضرت داتا گنج بخش کے عرس پر 15 اگست کو عام تعطیل کا اعلان کردیا گیا۔

معروف صوفی بزرگ حضرت علی ہجویری المعروف داتا گنج بخشؒ کے سالانہ عرس کے موقع پر لاہور میں 15 اگست بروز جمعہ کو عام تعطیل کا اعلان کر دیا گیا ہے۔ ضلعی انتظامیہ کی جانب سے اس حوالے سے باقاعدہ نوٹیفکیشن بھی جاری کر دیا گیا ہے۔

عرس کی مناسبت سے دی گئی اس تعطیل کے باعث لاہور کے شہریوں کو یومِ آزادی (14 اگست)، عرس داتا گنج بخش (15 اگست)، اور ہفتہ و اتوار کی معمول کی چھٹیوں کے ساتھ مجموعی طور پر 4 روزہ تعطیلات کا موقع ملے گا۔