محکمہ موسمیات نے کراچی والوں کو خوشخبری سُنادی

کراچی میں آئندہ 3 روز تک مطلع جزوی ابر آلود رہے گا۔

محکمہ موسمیات کے مطابق کراچی کا مطلع ابر آلود جبکہ سمندری ہوائیں بحال ہیں۔

محکمہ موسمیات نے بتایا کہ صبح و رات کے اوقات میں بوندا باندی ہوسکتی ہے جبکہ دن کے اوقات نمی کا تناسب زیادہ ہونے سے موسم مرطوب رہے گا۔

محکمہ موسمیات کا کہنا ہے کہ زیادہ سے زیادہ درجہ حرارت 34 ڈگری سینٹی گریڈ تک جانے کا امکان ہے، موجودہ درجہ حرارت 28 ڈگری سینٹی گریڈ ریکارڈ کیا گیا جبکہ مغربی سمت سے 22 کلومیٹر فی گھنٹہ کی رفتار سے ہوائیں چل رہی ہیں۔