کسی کو بلیک میل نہیں کرتے، جوہری صلاحیت دفاع کی ضمانت ہے، خواجہ آصف

وزیر دفاع خواجہ آصف کا کہنا ہے کہ کسی کو بلیک میل نہیں کرتے، جوہری صلاحیت دفاع کی ضمانت ہے۔

وزیر دفاع خواجہ آصف نے پارلیمنٹ ہاؤس میں میڈیا سے گفتگو کرتے ہوئے کہا کہ پاکستان نیو کلیئر بلیک میلنگ کررہا ہے نہ ہی یقین رکھتے ہیں، پاکستان کے اثاثے ملکی دفاع کے لیے ہیں، کسی کو بلیک میل نہیں کرتے، جوہری صلاحیت دفاع کی ضمانت ہے۔

انہوں نے کہا کہ مودی کو اب خواب میں بھی پاکستان اور پاکستانی افواج نظر آتی ہیں، نریندر مودی کے لیے پاکستان سے جنگ ڈراؤنا خوب بن چکا، نریندرمودی بنیادی طور پر اپنے ووٹرز کو مطمئن کررہا ہے۔

خواجہ آصف نے کہا کہ پاکستان نے اپنے دفاع میں جنگ لڑی اور جنگ جیتی، مودی کے لیے دوسری جنگ بھارت کے اندر نظر آرہی ہے، بھارت میں مودی کیخلاف آوازیں اٹھائی جارہی ہیں۔