پی آئی اے اور سری لنکن ایئرلائن کے درمیان انجینئرنگ سروسز معاہدہ

اسلام آباد: پاکستان انٹرنیشنل ایئرلائنز (پی آئی اے) اور سری لنکن ایئرلائن کے درمیان انجینئرنگ سروسز معاہدہ طے پاگیا۔

ترجمان پاکستان انٹرنیشنل ایئرلائنز (پی آئی اے)  کے مطابق پی آئی اے سری لنکن ایئرلائن کو لاہور ایئرپورٹ پر انجینئرنگ سروسز فراہم کرے گی۔

ترجمان نے مزید بتایا کہ لاہور میں سری لنکا کی 4 ہفتہ وار پروازوں کو تکنیکی معاونت فراہم کی جائے گی جبکہ غیر ملکی ایئرلائن سے معاہدہ زرمبادلہ ذخائر میں اضافہ کرے گا۔