صحافی خاور حسین کی موت کی تحقیقات کیلئے 3 رکنی کمیٹی تشکیل

سندھ حکومت نے سینئر صحافی خاور حسین کی سانگھڑ سے گولی لگی لاش ملنے کے واقعے کی تحقیقات کیلئے میڈیکل بورڈ تشکیل دینے کا فیصلہ کرلیا۔

 وزیر داخلہ سندھ ضیا الحسن لنجار کا کہنا ہے کہ ورثا اور صحافیوں کی درخواست پر میڈیکل بورڈ تشکیل دے رہے ہیں جس میں سینئر ڈاکٹر، فارنزک ماہرین شامل کریں گے۔

انہوں نے بتایا کہ میڈیکل بورڈ آج خاور حسین میت کا معائنہ کرے گا۔

صحافی خاور حسین کی موت کی تحقیقات کے لیے فیکٹ فائنڈنگ کمیٹی تشکیل دے دی گئی ہے۔ پولیس نے واقعے کی تحقیقات کے لیے فیکٹ فائنڈنگ کمیٹی تشکیل دی ہے۔

پولیس کی 3 رکنی فیکٹ فائنڈنگ کمیٹی میں ایڈیشنل آئی جی سی ٹی ڈی سندھ آزاد خان، ڈی آئی جی ویسٹ کراچی عرفان بلوچ، ایس ایس پی سانگھڑ عابد بلوچ شامل ہیں۔