تمام اسکول ایک ہفتے کیلئے بند، نوٹیفکیشن جاری

خیبرپختونخوا حکومت نے خراب موسم اور ممکنہ سیلابی صورتحال کے پیش نظر صوبے کے بالائی اور سرد ترین پہاڑی اضلاع میں قائم تمام سرکاری و نجی تعلیمی ادارے ایک ہفتے کے لیے بند کرنے کا فیصلہ کیا ہے۔

محکمہ تعلیم نے اس حوالے سے نوٹیفکیشن جاری کرتے ہوئے واضح کیا کہ پہاڑی علاقوں کے اسکول 19 اگست سے 25 اگست تک بند رہیں گے۔

یاد رہے کہ ان علاقوں میں گرمیوں کی تعطیلات صرف ایک ماہ یعنی یکم جولائی سے 31 جولائی تک دی جاتی ہیں، جبکہ میدانی علاقوں میں یہ تعطیلات 31 اگست تک جاری رہتی ہیں۔

تاہم، معمول کے مطابق اسکول کھلنے کے بعد موسم کی شدت اور کلاؤڈ برسٹ کے خطرات کے باعث حکومت نے ایک بار پھر تعلیمی ادارے بند کرنے کی ہدایت دی ہے۔