کراچی؛ صدر کے قریب پٹاخوں کے گودام میں دھماکے کے بعد آگ لگ گئی، 34 افراد زخمی

پولیس کے مطابق گودام کے مالکان دونوں بھائی ہیں جو دھماکے میں زخمی ہوئے، ایک بھائی کا ابتدائی بیان لیا گیا ہے، دونوں بھائیوں کو شامل تفتیشن کیا جائےگا۔

ڈی آئی جی ساؤتھ اسد رضا کے مطابق دھماکے سے قریب موجود گاڑیوں کو شدید نقصان پہنچا ہے جبکہ گرد و نواح کی بلڈنگ کے شیشے ٹوٹ گئے۔

وزیر داخلہ سندھ ضیا لنجار نے پولیس سے گودام میں دھماکے کی تفصیلات طلب کرلیں ہیں، وزیر داخلہ نے ہدایت کی ہے کہ گودام میں دھماکے کی تفتیش سے آگاہ رکھا جائے، چیک کیا جائےکہ گودام مالکان کے پاس آتش بازی کا سامان رکھنے کا لائسنس ہے یا نہیں۔

وزیر داخلہ سندھ کا کہنا تھا کہ رہائشی علاقوں میں ایسے گوداموں کی اجازت نہیں، ذمے داروں کے خلاف کارروائی ہوگی۔