گلگت بلتستان میں سیلاب سے تباہی، پاک فوج مدد کو پہنچ گئی

گلگت بلتستان کے ضلع غذر کے گاؤں روشان تلی داس میں اچانک گلیشیئر جھیل پھٹنے سے سیلاب آگیا۔

بڑی تعداد میں اچانک پانی آنےسے سیکڑوں افراد پھنس کر رہ گئے۔ اطلاع ملتے ہی پاک فوج کے جوانوں نے ہیلی کاپٹر کے ذریعے پہنچ کر ریسکیو آپریشن شروع کردیا۔

پاک فوج کے مطابق سیلاب کے باعث راستے بند ہونے سے کئی خاندان محصور ہیں۔ اب تک کیے گئے ریسکیو آپریشن میں ہیلی کاپٹرز کے ذریعے بچوں، خواتین اور بزرگوں کو ریسکیو کر کے محفوظ مقامات تک منتقل کیا گیا ہے۔

متاثرین اور عمائدین علاقہ نے پاک فوج کے بروقت ریسکیو آپریشن کو بھر پور سراہا مشکل کی اس گھڑی میں پاک فوج عوام کے شانہ بشانہ کھڑی ہے۔