ای چالان غلط موصول ہوجائے تو کیا کریں؟ نیا طریقہ کار سامنے آگیا

پنجاب میں شہریوں کے لیے خوشخبری ہے۔ اگر کسی کو غلط ای چالان موصول ہوجائے تو اب اس کی تصحیح کا عمل مزید آسان ہوگیا ہے۔ پنجاب سیف سٹی اتھارٹی نے اس مقصد کے لیے اپنی ویب سائٹ پر ایک نیا فیچر متعارف کرایا ہے۔

شہری اب echallan.psca.gop.pk پر جا کر ای چالان کی تصحیح یا ریویو کی درخواست جمع کرواسکتے ہیں۔ اس فیچر کے ذریعے نہ صرف واجب الادا چالان چیک کیا جاسکتا ہے بلکہ شکایت کے ساتھ تصاویر بھی اپ لوڈ کی جاسکتی ہیں تاکہ معاملہ فوری طور پر دیکھا جاسکے۔

شکایت ملنے کے بعد سیف سٹی اتھارٹی کی ٹیم موقع پر تصدیق کرے گی۔ اگر چالان واقعی غلط ثابت ہوا تو اسے فوری طور پر منسوخ کردیا جائے گا۔

ای چالان چیک کرنے کے لیے شہریوں کو سیف سٹی کی ویب سائٹ پر رجسٹر ہونا ہوگا۔ رجسٹریشن کے بعد صرف ایک کلک میں اپنے تمام چالان کی تفصیلات حاصل کی جاسکتی ہیں۔