پولیس نے کراچی میں بارش کے دوران خاتون سے نازیبا حرکت کرنے والے ملزم کو دھر لیا

شہرِ قائد میں بارش کے دوران خاتون سے نازیبا حرکت کرنے والے ملزم کو پولیس نے گرفتار کرلیا۔

پولیس کے مطابق ملزم کو جمشید کوارٹر تھانے کی حدود سے گرفتار کیا گیا، جس کے خلاف مقدمہ بھی درج کرلیا گیا ہے۔

گرفتار شخص حافظ اللّٰہ نے سیلابی صورتحال کے دوران راہ چلتی خاتون کو ہراساں کیا تھا، جس کی ویڈیو سوشل میڈیا پر وائرل ہوئی اور عوامی ردِعمل کے بعد پولیس نے کارروائی کی۔