پاکستان رینجرز (پنجاب) کا سیلاب متاثرین کی مدد میں سرگرم ہنگامی ریسکیو آپریشن

لاہور: پاکستان رینجرز (پنجاب) کا سیلاب متاثرین کی مدد میں سرگرم ہنگامی ریسکیو آپریشن جاری ہے۔

تفصیلات کے مطابق پاکستان رینجرز (پنجاب) کا دیگر ادراوں کے ہمراہ سرحدی علاقوں میں سیلاب متاثرین کے لیے ریسکیو آپریشن کیا جبکہ ضلع قصور کے علاقے گنڈا سنگھ والا میں پنجاب رینجرز کے اہلکاروں نے سیلاب میں پھنسے افراد کو محفوظ مقام پر منتقل کیا۔

ترجمان پاکستان رینجرز کے مطابق ریسکیو آپریشن میں متاثرین کا مال اسباب بھی بحفاظت منتقل کیا گیا جبکہ سیلابی صورتحال کے پیش نظر رینجرز دیگر ریسکیو اداروں کے ساتھ مسلسل رابطے میں ہے۔

ترجمان کے مطابق کسی بھی ناگہانی صورتحال سے نمٹنے کے لیے پنجاب رینجرز کے اہلکار امدادی سرگرمیوں کے لیے تیار ہیں۔