کراچی میں بادلوں کے ڈیرے، سمندری ہوائیں مکمل بحال

کراچی: شہر میں اس وقت بادلوں کے ڈیرے ہیں جبکہ سمندری ہوائیں مکمل بحال ہوگئیں۔

محکمہ موسمیات کے مطابق موجودہ درجہ حرارت 28 ڈگری سینٹی گریڈ ریکارڈ کیا گیا جبکہ ہوا میں نمی کا تناسب 88 فیصد ہے۔

محکمہ موسمیات نے بتایا کہ  شہر میں جنوب مغرب سے 15 کلومیٹر فی گھنٹہ کی رفتار سے ہوا چل رہی ہے جبکہ زیادہ سے زیادہ درجہ حرات 33 ڈگری سینٹی گریڈ کے درمیان رہنے کا امکان ہے۔

 محکمہ موسمیات کا کہنا ہے کہ شہر کا آج مطلع زیادہ تر ابر آلود رہے گا جبکہ شہر میں بوندا باندی اور ہلکی بارش ہوسکتی ہے۔

محکمہ موسمیات نے مزید کہا کہ کراچی میں 27 اگست سے ایک بار پھر بارش کا آغاز ہوگا، مون سون بارشوں کا سلسلہ 30 اگست تک وقفے وقفے سے جاری رہے گا۔