شادی سے دو دن قبل وطن پر قربان ہونیوالے شہید کیپٹن تیمور کے والد کا حوصلہ دیکھ کر قوم غمزدہ

جنوبی وزیرستان کے علاقے وانا میں ڈیوٹی کے دوران پاک فوج کے جواں سال افسر کیپٹن تیمور نے جامِ شہادت نوش کیا۔

کیپٹن تیمو چکوال کے رہائشی اور بریگیڈیئر راجہ حسن عباس کے اکلوتے بیٹے تھے۔

کیپٹن تیمور کی شادی 30 اگست کو طے تھی لیکن شادی سے قبل انہوں نے اللہ کی راہ میں جان کی قربانی دے کر ایک عظیم اور بلند مرتبہ حاصل کر لیا۔

بریگیڈیئر راجہ حسن عباس نے بیٹے کے جنازے پر کہا کہ اگر میرے دس بیٹے بھی ہوتے تو سب وطن پر قربان کر دیتا۔

باپ کا یہ وہ جذبہ ہے جس پر قوم کو فخر ہے، اور جو اس بات کی گواہی ہے کہ شہداء کی قربانیاں ہمیشہ یاد رکھی جائیں گی۔