سندھ کے 25 اضلاع میں انسداد پولیو مہم یکم ستمبر سے شروع ہوگی

کراچی: سندھ کے 25 اضلاع میں انسداد پولیو مہم یکم ستمبر سے شروع ہوگی۔

تفصیلات کے مطابق چیف سیکریٹری سندھ اور وزیر صحت کی زیر صدارت ٹاسک فورس کا اجلاس ہوا جس میں سیلابی صورتحال کے باوجود پولیو ویکسی نیشن مہم جاری رکھنے کا فیصلہ کیا گیا۔

7 روزہ مہم میں 90 لاکھ بچوں کو پولیو کے قطرے پلائے جائیں گے جبکہ پولیو مہم میں 70 ہزار سے زائد فرنٹ لائن ورکرز حصہ لیں گے۔

مہم کے دوران پولیو ورکرز کی سیکیورٹی کے لیے 21 ہزار اہلکار تعینات ہوں گے۔

واضح رہے کہ سندھ میں رواں سال پولیو کے 6 مریض رپورٹ ہوئے۔