وزیرآباد میں سیلاب آفت بن گیا، بروقت طبی امداد نہ ملنے سے 3 نومولود جاں بحق

وزیر آباد میں سیلاب کے باعث بروقت طبی امداد نہ ملنے پر ایک خاتون کے 3 نومولود دم توڑ گئے۔

وزیر آباد میں سیلاب کی و جہ سے نظام زندگی بری طرح متاثر ہوچکی ہے۔ سڑکیں سیلابی پانی میں ڈوبی جانے کی وجہ سے آمدو رفت میں بھی شدید مشکلا کا سامنا ہے۔

 ریسکیو حکام کے مطابق سیلابی پانی کے باعث بروقت طبی امداد نہ ملی اور خاتون کے 3 نومولود دم توڑ گئے۔ ریسکیو حکام نے بتایا کہ جاں بحق بچوں میں 2 بیٹیاں اور ایک بیٹا شامل ہے۔

اس موقع پر متاثرہ خاتون نے کہا کہ مقامی اسپتال سیلابی پانی سے گھرا ہوا تھا، اگر بروقت طبی امداد ملتی تو بچے بچ سکتے تھے۔

واضح رہے کہ خاتون نے 28 اگست کو نالہ پھلکو کے قریب گاڑی میں بچوں کو جنم دیا تھا۔