کراچی سمیت سندھ بھر میں ڈینگی و ملیریا کے پھیلاؤ کا خدشہ

محکمہ صحت سندھ کی جانب سے کراچی سمیت سندھ بھر میں ڈینگی و ملیریا کے پھیلاؤ کا خدشہ ظاہر کیا گیا ہے۔

جی ٹی وی نیوز کے مطابق محکمہ صحت سندھ نے شہر میں ڈینگی و ملیریا کے پھیلاؤ کا خدشہ ظاہر کیا ہے جبکہ محکمہ صحت سندھ نے اسپرے مہم یقینی بنانے کا حکم دے دیا۔

ویکٹر بورن ڈیزیز ڈی جی سندھ نے تمام ڈسٹرکٹ ہیلتھ افسران کو لیٹر جاری کردیے۔ نوٹیفکیشن کے مطابق تمام اضلاع میں فوری طور پر مچھر مار اسپرے مہم شروع کی جائے۔

نوٹیفکیشن میں مزید بتایا گیا کہ ڈی جی ویکٹر بورن ڈیزیز کا اضلاع میں فوکل پرسن تعینات کرنے کا بھی حکم دیا گیا۔