مارگلہ ہلز کی تمام ہائیکنگ ٹریلز غیر معینہ مدت کیلئے بند کردی گئیں

وفاقی دارالحکومت میں موسلادھار بارشوں کی پیشگوئی کے بعد مارگلہ ہلز کی تمام ہائیکنگ ٹریلز غیر معینہ مدت کیلئے بند کردی گئیں۔

جی ٹی وی نیوز کے مطابق ڈپٹی کمشنر اسلام آباد نے ہائیکنگ ٹریلز کی بندش کا نوٹیفکیشن جاری کردیا۔ نوٹیفکیشن کے مطابق بارشوں کے خدشے کے باعث حفاظتی اقدامات کے طور پر ٹریلز بند کی گئیں۔

نوٹیفکیشن میں مزید بتایا گیا کہ شہریوں کو کسی بھی ٹریل پر جانے کی اجازت نہیں ہوگی، شہری بارش کے دوران غیرضروری طور پر پہاڑی علاقوں کا رخ نہ کریں۔