ڈرائیونگ لائسنس بنوانے والوں کیلئے بڑی خبر آگئی

پنجاب سمیت پاکستان بھر میں گاڑی چلانے کے لیے درست ڈرائیونگ لائسنس کا ہونا لازمی قرار دیا گیا ہے، کیونکہ بغیر لائسنس گاڑی چلانے والوں کو قانونی کارروائی، جرمانوں اور گاڑی بند ہونے جیسے مسائل کا سامنا کرنا پڑ سکتا ہے۔

ڈرائیونگ لائسنس اس بات کا ثبوت ہوتا ہے کہ ڈرائیور نے لازمی تحریری اور عملی امتحانات پاس کیے ہیں اور ٹریفک قوانین سے واقف ہے، جو سڑکوں پر حفاظتی اقدامات کو فروغ دیتا ہے۔ تربیت یافتہ ڈرائیورز کے ذریعے حادثات کی شرح میں کمی آتی ہے، جبکہ لائسنس قانون نافذ کرنے والے اداروں کی کارروائیوں میں معاون ثابت ہوتا ہے۔

عام ڈرائیونگ لائسنس حاصل کرنے سے پہلے امیدوار کو لرنر لائسنس لینا ضروری ہوتا ہے، جس کے لیے 500 روپے فیس آن لائن ادا کر کے درخواست دی جا سکتی ہے۔ اس کے بعد مقررہ مدت کے بعد امیدوار متعلقہ مرکز میں جا کر تھیوری اور عملی امتحان پاس کرتا ہے تاکہ باقاعدہ ڈرائیونگ لائسنس حاصل کیا جا سکے۔

ستمبر 2025 کے لیے پنجاب میں کار ڈرائیونگ لائسنس کی فیس کا شیڈول بھی جاری کر دیا گیا ہے۔ امیدوار سے 150 روپے ٹیسٹ فیس لی جاتی ہے، جبکہ ٹیسٹ پاس کرنے کے بعد مزید 1,350 روپے لائسنس فیس کی مد میں ادا کرنا ہوتے ہیں۔ اس کے علاوہ کورئیر فیس 480 روپے ہے، جس کے بعد ایک سالہ کار ڈرائیونگ لائسنس کی کل لاگت 1,830 روپے بنتی ہے۔

امیدوار چاہیں تو ایک سال کے بجائے پانچ سال تک کا لائسنس بھی حاصل کر سکتے ہیں، جس کے لیے فیس کا شیڈول مختلف ہوگا۔