وزیراعلیٰ خیبر پختونخوا علی امین گنڈا پور کی کالا باغ ڈیم کی حمایت

خیبرپختونخوا کے وزیراعلیٰ علی امین گنڈاپور نے کہا ہے کہ سب کو مطمئن کرکے آپ کو کالا باغ ڈیم جیسا پروجیکٹ اپنے بچوں، نسلوں اور پاکستان کے لیے کرنا چاہیے۔

اپنے بیان میں علی امین گنڈاپور کا کہنا تھاکہ صوبائیت کے چکر میں پورے پاکستان کو نقصان نہیں پہنچا سکتا، پورے پاکستان کے فائدے کو پیچھے نہیں دھکیل سکتا۔

انہوں نے کہا کہ سب کو مطمئن کرکے کالا باغ ڈیم جیسے منصوبے کو اپنے بچوں اور  پاکستان کے مستقبل کےلیے بننا چاہیے۔ ان کا کہنا تھاکہ تمام کو اپنے حقوق کے مطابق تحفظات کو دور کرکے کالا باغ ڈیم جیسا پروجیکٹ کرنا چاہیے۔

انہوں نے کہا کہ جب پاکستان کا فائدہ ہے تو پاکستان کے فائدے کو پیچھے نہیں دھکیلا جا سکتا، کسی کی اپنی ذاتی یا صوبائیت کی وجہ سے۔ پاکستان کے مستقبل کے لیے سب کو مطمئن کرکے کالاباغ ڈیم بنائیں۔