ڈرائیونگ لائسنس بنوانے کے خواہشمند افراد کے لیے بڑی خوشخبری آگئی

راولپنڈی میں شہریوں کی سہولت کے پیش نظر مختلف علاقوں میں موبائل لائسنس وینز کا شیڈول جاری کر دیا گیا ہے۔ ان وینز کے ذریعے شہری بآسانی اپنا ڈرائیونگ لائسنس بنوا سکیں گے۔

جاری کردہ شیڈول کے مطابق یکم ستمبر بروز پیر موبائل لائسنس وین راجہ بازار نزد فورا چوک پر موجود رہی، جبکہ 2 ستمبر بروز منگل یہ وین سکوٹ گاؤں، تحصیل کلر سیداں میں شہریوں کو سہولیات فراہم کررہی ہے جبکہ 3 ستمبر کو موبائل وین کوری دولال گاؤں، تحصیل گوجر خان پہنچے گی۔

مزید شیڈول کے مطابق 4 ستمبر کو وین دوبارہ راجہ بازار نزد فورا چوک پر ہوگی، جبکہ 5 ستمبر بروز جمعہ جھاور اپکٹ، دھممیال کیمپ میں شہری لائسنس بنوا سکیں گے۔ 7 ستمبر بروز اتوار، صرف رکشہ ٹیسٹ کے لیے موبائل وین اولڈ واران ڈپو صدر میں موجود ہوگی۔

اسی سلسلے میں 9 ستمبر بروز ہفتہ شہری گلزار قائد، اولڈ ایئرپورٹ روڈ پر جا کر ڈرائیونگ لائسنس کی سہولت سے فائدہ اٹھا سکتے ہیں۔

حکام کے مطابق موبائل لائسنس وینز کا مقصد شہریوں کو ان کی دہلیز پر سہولیات فراہم کرنا اور لائسنس کے حصول میں آسانی پیدا کرنا ہے۔ شہریوں سے درخواست کی گئی ہے کہ وہ قومی شناختی کارڈ اور دیگر مطلوبہ دستاویزات کے ہمراہ مقررہ تاریخوں پر ان مراکز کا رخ کریں۔