پاک فوج اور سول انتظامیہ کا دربار صاحب کرتارپور میں بحالی کا کام جاری

پاک فوج اور سول انتظامیہ کا دربار صاحب کرتارپور میں بحالی کا کام جاری ہے۔

تفصیلات کے مطابق سیلاب کے دوران دربار صاحب کرتارپور کو شدید نقصان پہنچا تھا، فیلڈ مارشل نے دربار صاحب کرتارپور کے دورے پر جلد مکمل بحالی کی یقین دہانی کروائی تھی۔

 فیلڈ مارشل عاصم منیر کی ہدایات پر دربار صاحب کرتارپور کی بحالی کا کام شروع کیا گیا، پاک فوج اور سول انتظامیہ کی جانب سے دربار صاحب کرتارپور میں پانی کی فوری نکاسی کی گئی۔

دربار صاحب کرتارپور میں پانی کی نکاسی کے بعد صفائی کا عمل  تیزی سے مکمل کیا جارہا ہے۔

کرتارپور انتظامیہ اور سکھ برادری نے پاک فوج اور سول انتظامیہ کو بروقت کارروائی پر خراج تحسین پیش کیا۔