فتنہ الہندوستان کے خوارج کی ایف سی ہیڈ کوارٹرز میں داخلے کی کوشش ناکام

راولپنڈی: سکیورٹی فورسز نے فتنہ الہندوستان کے خوارج کی ایف سی ہیڈ کوارٹرز میں داخلے کی کوشش ناکام بنا دی۔

پاک فوج کے شعبہ تعلقات عامہ آئی ایس پی آر کے مطابق بنوں میں فتنہ الخوارج کے دہشت گردوں نے ایف سی ہیڈ کوارٹرز پرحملہ کرتے ہوئے بارود سے بھری گاڑی عمارت کی بیرونی دیوار سے ٹکرادی۔

آئی ایس پی آر کے مطابق سکیورٹی فورسز نے مؤثر کارروائی میں 5خوارج کو ہلاک کر دیا جبکہ دہشتگردوں سے فائرنگ کے تبادلے میں 6جوانوں نے جام شہادت نوش کیا۔

آئی ایس پی آر نے مزید بتایا کہ شہدا میں پاک فوج اور ایف سی کے اہلکار شامل ہیں جبکہ خودکش دھماکے میں 3شہری زخمی ہوئے ہیں، علاقے میں سرچ اور کلیئرنس آپریشن جاری ہے۔