پاک فوج کا عزم ناقابلِ شکست، پنجاب کے متاثرین کو ریلیف فراہم کرنے میں مصروف عمل

پنجاب میں پاک فوج کا ریسکیو اینڈ ریلیف آپریشن جاری ہے۔

تفصیلات کے مطابق پاک فوج نے سیکڑوں متاثرین کو محفوظ مقامات پر منتقل کردیا۔

پاک فوج کی کھولڑہ پوائنٹ، ہسووالی، بدھوانہ،جھنگ اور چنیوٹ میں ریلیف کارروائیاں جاری ہیں۔

پاک فوج کے جوانوں نے کشتیوں کے ذریعے متاثرین کو ریسکیو کیا، پاک فوج کے امدادی کیمپس میں کپڑے، راشن اور ادویات کی فراہمی بھی جاری ہے۔

سیلاب متاثرین کے لیے فری میڈیکل کیمپس بھی قائم کیے گئے، جہاں پاک فوج کے ڈاکٹرز اور پیرا میڈیکل اسٹاف دن رات بلا معاوضہ علاج اور ادویات فراہم کر رہے ہیں۔

بزرگ، خواتین اور بچوں سمیت سیکڑوں متاثرین محفوظ مقامات پر منتقل کیے گئے، سیلاب متاثرین نے پاک فوج کے کردار کو بے حد سراہا۔