پاکستان میں چاند گرہن کب ہوگا؟ اسپارکو نے اعلان کردیا

WebDesk

06 ستمبر, 2025 20:40

پاکستان میں چاند گرہن کب ہوگا؟ اسپارکو نے اعلان کردیا

when-will-the-lunar-eclipse-occur-in-pakistan-sparko-has-announced

اسپیس اینڈ اپر ایٹموسفیئر ریسرچ کمیشن (سپارکو) نے اعلان کیا ہے کہ 7 اور 8 ستمبر کے درمیان مکمل چاند گرہن کا نظارہ ہوگا۔

تفصیلات کے مطابق چاند گرہن کا مشاہدہ یورپ، ایشیا، آسٹریلیا، افریقا، شمالی امریکا کے مغربی اور جنوبی امریکا کے مشرقی کچھ حصوں میں دیکھا جاسکے گا۔

تاہم اسپیس اینڈ اپر ایٹموسفیئر ریسرچ کمیشن (سپارکو) کے مطابق پاکستان کے آسمان پر 7 ستمبر کو چاند گرہن کا نظارہ ہوگا، چاند گرہن رات 8 بجکر 30 منٹ پر شروع ہوگا، گرہن کا عروج رات 1 بجکر 55 منٹ پر ہوگا۔

سپارکو کا کہنا ہے کہ چاند مکمل طور پر زمین کے سائے میں چھپ جائے گا اور رات کے آخری پہر تک جاری رہے گا، چاند گرہن کا مشاہدہ پاکستان میں بھی کیا جاسکے گا۔