بھارت نے دریائے ستلج میں مزید پانی چھوڑ دیا، اونچے سیلاب کا الرٹ جاری
WebDesk
07 ستمبر, 2025 21:31
بحرین کی جانب سے پاکستان کے سیلاب متاثرین کے لیے ریلیف پیکج
بھارت نے دریائے ستلج میں مزید پانی چھوڑے جانے کے حوالے سے پاکستان کو آگاہ کر دیاہے جس کے بعد سیلاب الرٹ جاری کر دیا گیا۔
پاکستان میں بھارتی ہائی کمیشن نے دریائے ستلج میں سیلابی پانی چھوڑنے سے متعلق پاکستان کو اطلاع دی۔ وزارت آبی وسائل نے سیلاب الرٹ جاری کردیا جس کے مطابق دریائے ستلج میں ہریکے زیریں، فیروزپور زیریں پر اونچے درجے کا سیلاب ہے۔
دریائےستلج میں پانی کے بہاؤ میں مزید اضافے کا خدشہ ہے۔
دوسری جانب پی ڈی ایم اے پنجاب نے اونچے درجے کے سیلاب سے متعلق الرٹ جاری کیا ہے اور کہاکہ دریائےستلج پر پانی کے بہاؤ میں مزید اضافہ ہوگا۔
ڈی جی پی ڈی ایم اے نےہدایت کی کہ شہریوں کی جان ومال کےتحفظ کو یقینی بنایاجائے۔ لاہور میں پریس کانفرنس کرتے ہوئے ڈی جی پی ڈی ایم اے نے کہا کہ اب ستلج میں پانی کا بہاؤ بہت زیادہ نہیں ہے۔
انہوں نے کہا کہ گنڈھا سنگھ اور راوی میں پانی کم ہورہا ہے، ہیڈ محمد والا اور شیر شاہ پر بڑا خطرہ نہیں لیکن وہاں پر پانی کم نہیں ہو رہا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
