پی ٹی آئی میں ٹوٹ پھوٹ، وزیراعلیٰ گلگت بلتستان سمیت 12 ارکان اسمبلی کی بنیادی رکنیت ختم
WebDesk
07 ستمبر, 2025 11:15
PTI splits, 12 assembly members including Gilgit-Baltistan Chief Minister lose primary membership
پاکستان تحریک انصاف میں اندرونی دراڑیں کھل کرسامنے آنے لگیں۔ وزیراعلیٰ گلگت بلتستان حاجی گلبر خان سمیت 12 اراکان اسمبلی کی بنیادی رکنیت ختم کر دی گئی۔
ایڈیشنل سیکرٹری جنرل پی ٹی آئی نے منحرف اراکان اسمبلی کی پارٹی رکنیت ختم کرنےکا نوٹیفیکیشن بھی جاری کر دیا جبکہ پی ٹی آئی کے سوشل میڈیا پیج پر بھی ان کی تصاویر پوسٹ کر دی گئیں۔
پی ٹی آئی کی جانب سے جاری نوٹیفکیشن کے مطابق پارٹی پالیسی کی خلاف ورزی، فارورڈ بلاک بنانے اور پارٹی کےخلاف ووٹنگ کے الزامات پر وزیراعلیٰ گلگت بلتستان حاجی گلبر خان سمیت 12 اراکین اسمبلی کی بنیادی رکنیت ختم کی گئی۔
نوٹیفکیشن میں بتایا گیا ہے کہ وزیراعلیٰ جی بی گلبرخان، شمس الحق لون، راجا اعظم، عبدالحمید، امجد زیدی، حاجی شاہ بیگ، ثریا زمان، راجا ناصر مقپون، رکن گلگت بلتستان اسمبلی مشتاق احمد، دلشاد بانو اور فضل رحیم کی بنیادی رکنیت ختم کی گئی۔
دوسری جانب سابق گورنر گلگت بلتستان راجا جلال حسین مقپون کوشوکاز نوٹس جاری کردیا گیا۔ مزید برآں گلگت بلتستان کےاراکان کو پارٹی کا نام، پرچم اور عہدہ استعمال کرنے سے بھی روک دیا گیا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
