بارشیں ہی بارشیں؛ تعلیمی اداروں میں 10 ستمبر تک عام تعطیل کا اعلان
WebDesk
08 ستمبر, 2025 11:15
Fear of heavy rains; closure announced in government and private educational institutions
ضلع سیالکوٹ میں سیلابی صورتحال کے باعث 80 سرکاری اسکول 10 ستمبر تک بند رکھنے کا فیصلہ کیا گیا ہے۔
ڈپٹی کمشنر سیالکوٹ صباء اصغر علی کے مطابق متعدد اسکول سیلابی پانی سے متاثر ہوئے ہیں، جبکہ کچھ اسکولوں میں پانی تاحال جمع ہے۔ اسکول ایجوکیشن ڈیپارٹمنٹ کی جانب سے موصولہ ہدایت نامے کی روشنی میں یہ فیصلہ کیا گیا ہے۔
ڈپٹی کمشنر نے بتایا کہ سیالکوٹ تحصیل کے کئی اسکول 8 سے 10 ستمبر تک بند رہیں گے، جبکہ ڈسکہ، پسرور اور سمبڑیال کی تحصیلوں کے متعدد اسکولوں میں تدریسی عمل عارضی طور پر معطل کر دیا گیا ہے۔
حکام کا کہنا ہے کہ اسکولوں کے احاطے میں پانی داخل ہونے کا خدشہ برقرار ہے، اور بچوں کی حفاظت کو مدنظر رکھتے ہوئے یہ اقدام اٹھایا گیا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
