سرکاری نوکریوں کے خواہشمند نوجوانوں کیلئے بڑا اعلان
WebDesk
08 ستمبر, 2025 10:47
Hundreds of Jobs: Big News for the Unemployed
خیبر پختونخوا حکومت نے اعلیٰ تعلیم کے شعبے میں ایک اہم فیصلہ کرتے ہوئے ایسوسی ایٹ ڈگری کے حامل امیدواروں کو سرکاری ملازمتوں کے لیے اہل قرار دینے کا اعلان کر دیا ہے۔
صوبائی وزیر برائے اعلیٰ تعلیم مینا خان آفریدی کے مطابق یہ اقدام تعلیمی مواقع میں اضافہ اور طلبہ کی سہولت کے لیے کیا گیا ہے۔ اب خیبر پختونخوا کے کالجز اور جامعات میں چار سمسٹرز یعنی دو سال پر مشتمل ایسوسی ایٹ ڈگری پروگرام کو بی ایس پروگرامز کے ساتھ شامل کیا جائے گا۔
انہوں نے واضح کیا کہ یہ تبدیلی اُن بی ایس پروگرامز میں کی گئی ہے جہاں طلبہ کی تعداد کم ہو رہی تھی۔ اس فیصلے کے تحت طلبہ دو سال کی تعلیم مکمل کرنے کے بعد ایسوسی ایٹ ڈگری حاصل کر سکیں گے، جس کے بعد وہ ملازمت کے مواقع تلاش کر سکتے ہیں یا اپنی تعلیم جاری رکھتے ہوئے کسی بھی کالج یا یونیورسٹی سے بی ایس ڈگری مکمل کر سکتے ہیں۔
یہ فیصلہ ہائر ایجوکیشن کمیشن (HEC) کی پالیسی کے مطابق کیا گیا ہے، جو ایسوسی ایٹ ڈگری ہولڈرز کو مزید تعلیم کے مواقع فراہم کرنے کے لیے ترتیب دی گئی ہے۔ اس اقدام کو ماہرین تعلیم اور طلبہ کی طرف سے خوش آئند قرار دیا جا رہا ہے، جن کا کہنا ہے کہ اس سے نہ صرف تعلیمی معیار بہتر ہوگا بلکہ مالی مشکلات کا سامنا کرنے والے طلبہ کو بھی ریلیف ملے گا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
