وزیر دفاع خواجہ محمدآصف کی بانی پی ٹی آئی کے کردار پر تنقید

وزیردفاع خواجہ محمد آصف نے پی ٹی آئی قیادت کو شدید تنقید کانشانہ بنا ڈالا۔

سوشل میڈیا کی ویب سائٹ ایکس پر لکھا کہ پاکستان اور ہمارے خطہ میں، دنیا میں کئی واقعات عمران خان کے اقتدار سے محروم ہونے کے بعد ہوئے ہیں۔ غزہ پر قیامت خیز مظالم، پاک بھارت جنگ میں ہماری تاریخی فتح، وطن عزیز میں ہولُناک سیلاب ،دہشت گردی کے خلاف جاری جنگ چند نہایت اہم واقعات ہیں اور اب قطر پر اسرائیل کا حملہ۔

‏

‏ان تمام واقعات کے دوران یا بعد آپ نے عمران کے ٹویٹر اکاؤنٹ پر پاک فوج کو مبارکباد یا شہیدوں کے ساتھ یک جہتی، سیلاب زدگان کے ساتھ ہمدردی، دہشت گردوں کی مذمت، غزہ کے مظلوموں کے لیے دعا ہی سہی، کوئی ذکر پڑھا سنا ہو تو ضرور بتائیں۔

ہاں یہ ضرور سنا پڑھا ہو گا۔ مجھے دیسی مرغی کھانے کونہیں ملتی۔ قید میں تنہائی ہے، ورزش کا سامان نہیں، ٹریڈمل میسر نہیں۔ فلاں سے ملاقات نہیں ہورہی، سیاسی ورکروں سے ملاقات نہیں، بیگم سے ملاقات نہیں۔ فلاں کے ساتھ یہ ہو رہا ہے اور فلاں کے ساتھ وہ ہو رہا ہے۔ چھوٹی باتیں نہ کیا کرو لوگوں کو تیری اوقات پتا لگ جاتی ہے۔

‏چلو یہ ساری باتیں کر لو لیکن کبھی کبھی  ملک و ملت کے مسائل پر تھوڑی بات کرلو، قوم  اور ہم وطنوں کی خوشیوں اورغم شریک ہو جایا کرو۔ امت مسلمہ کے لیڈر ہونے کا دعویٰ ہے فلسطین میں ظلم پر اپنے سابق سسرالیوں کی مذمت کر دو۔ سیلاب کی تباہیوں پر دکھ اظہار کر دو۔ وطن پہ قربان ہونے والے شہیدوں کے لیے دعائیہ کلمات ہی کہہ دو۔

‏اگر کوئی قائدانہ کوالٹی ہے تو اسکا اظہار کر چولاں نہ ماریا کر۔