سیکیورٹی فورسز کی خیبرپختونخوا میں کارروائیاں؛ 19خارجی ہلاک
WebDesk
11 ستمبر, 2025 10:41
Security forces' operations in Khyber Pakhtunkhwa; 19 foreigners killed
آئی ایس پی آر کا کہنا ہے کہ سیکیورٹی فورسز نے خیبرپختونخوا میں فتنہ الخوارج کیخلاف 3 مختلف کارروائیاں کیں۔
پاک فوج کے شعبہ تعلقات عامہ ( آئی ایس پی آر ) کے مطابق سیکیورٹی فورسز نے9 اور 10 ستمبر کی رات خیبرپختونخوا میں فتنہ الخوارج کیخلاف 3 مختلف کارروائیاں کیں جس دوران 19 خارجی ہلاک ہو گئے۔
آئی ایس پی آر کا کہنا ہے کہ سیکیورٹی فورسز نے مہمند کے علاقے گونو میں انٹیلی جنس بیسڈ آپریشن کیا، آپریشن کے دوران فتنہ الہندوستان کے 14خارجی مارے گئے۔
سیکیورٹی فورسز نے شمالی وزیرستان کے علاقے دتہ خیل میں آپریشن کیا، آپریشن کے دوران فتنہ الہندوستان کے 4 خارجی مارے گئے۔ جبکہ سیکیورٹی فورسز کی بنوں میں کارروائی کے دوران ایک خارجی مارا گیا۔
آئی ایس پی آر کا کہنا ہے کہ بھارتی حمایت یافتہ خوارجیوں سے اسلحہ اور بارود برآمد ہوا، ہلاک خوارج دہشت گردی کی متعدد وارداتوں میں ملوث تھے، سیکیورٹی فورسز ملک سے دہشت گردی کے خاتمے کیلئے پرعزم ہیں، ملک سے دہشت گردی کے مکمل خاتمے تک آپریشنز جاری رہیں گے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
