عالمی مالیاتی ادارے کو سیلاب سے پیدا صورت حال پر اعتماد میں لے لیا، وزیرخزانہ
WebDesk
14 ستمبر, 2025 13:35
finance-minister-takes-the-international-monetary-fund-into-confidence-over-the-situation-arising-from-the-floods
وزیر خزانہ محمد اورنگزیب نے کہا ہے کہ ئی ایم ایف نے سیلاب سے پیدا ہونے والی صورت حال کی سنگینی کو سمجھ لیا ہے۔
ٹوبہ ٹیک سنگھ کی تحصیل کمالیہ کے دورے میں ان کا کہنا تھا کہ فنڈز سے پہلے ہم اپنے وسائل استعمال کر رہے ہیں اور ساری دنیا دیکھ رہی ہے کہ پاکستان میں سیلاب متاثرین کس مشکل سے گزر رہے ہیں۔
انھوں نے کہا کہ سیلاب سے سڑکیں، پل اور لوگوں کے مکان سمیت دیگر املاک تباہ ہوئیں اس لیے آفت زدہ عوام کو ابھی بجلی کے بل بھیجنا مناسب نہیں۔
محمد اورنگزیب نے کہا کہ اللہ کا شکرہے کہ ٹوبہ ٹیک سنگھ میں جانی نقصان بہت کم ہوا، اللہ کرے پانی جلد اترے تاکہ اگلی فصلیں کاشت ہو سکیں، ہم نے اس اسٹرکچر کو دوبارہ پہلے جیسا بنانا ہے۔
وزیر خزانہ کا کہنا تھا کہ حالیہ سیلاب میں ریلیف آپریشن جیسی مثال تاریخ میں نہیں ملتی اور ہم افواج پاکستان کے بھی بے حد شکر گزار ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
