پاکستان میں لوڈشیڈنگ ہونے کی بڑی وجہ نیپرا نے بتا دی
WebDesk
14 ستمبر, 2025 17:53
کراچی کے مختلف علاقوں میں بارش رکنے کے باوجود بجلی بحال نہ ہوسکی
لاہور: پاکستان میں گورننس کی ناکامی اور ٹرانسمیشن نظام کی عدم دستیابی کو لوڈشیڈنگ کی بڑی وجہ قرار دیا گیا۔
بجلی کی پیداواری لاگت پر ممبر ٹیکنیکل نیپرا کا اضافی نوٹ سامنے آگیا۔ جولائی 2022 سے اب تک مجموعی نقصانات سے صارفین پر 121 ارب سے زائد کا بوجھ پڑ چکا ہے۔
ممبر نیپرا رفیق شیخ نے اضافی نوٹ میں کہا ہے کہ گورننس اور ٹرانسمیشن نظام کی ناکامیاں براہ راست فیول کاسٹ اور بجلی کی لاگت بڑھا رہی ہیں۔ گڈو پاورپلانٹ کی بندش سے جولائی میں 96 کروڑ سے زائد کا بوجھ پڑا۔ نیلم جہلم بند ہے صارفین سے ساڑھے 75 ارب کے سرچارجز پہلے ہی وصول کئے جا چکے۔
اضافی نوٹ کے مطابق لاہورنارتھ گرڈ اسٹیشن تاخیر و جزوی لوڈ ایڈجسٹمنٹ سے اب تک 71 ارب سے زائد کا نقصان ہوا۔ یہ خامیاں لوڈشیڈنگ اور بجلی کی لاگت بڑھا رہی ہیں ۔ پاور سیکٹر میں فوری اصلاحات ناگزیر ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
