سینکڑوں ملازمتیں؛ بے روزگار افراد کیلئے بڑی خوشخبری
WebDesk
16 ستمبر, 2025 10:38
Hundreds of Jobs: Big News for the Unemployed
وفاقی حکومت نے پاکستان ریلویز میں بھرتیوں کا اعلان کیا ہے۔
رپورٹ کے مطابق پاکستان ریلویز میں مختلف تین عہدوں پر مجموعی طور پر ایک ہزار اہلکاروں کی بھرتی کی جائے گی۔ ان بھرتیوں کا مقصد محکمے کی استعداد کار میں اضافہ اور سیکیورٹی و خدمات کے نظام کو بہتر بنانا ہے۔
81 اسسٹنٹ سب انسپکٹرز کی بھرتی عمل میں لائی جائے گی جن کے لیے تعلیمی قابلیت کم از کم انٹرمیڈیٹ مقرر کی گئی ہے۔ ان آسامیوں میں 69 مرد، 8 خواتین جبکہ 4 نشستیں اقلیتی کوٹہ کے لیے مختص کی گئی ہیں۔
اس کے علاوہ 914 کانسٹیبلز کی بھی بھرتی کی جائے گی، جن میں 789 مرد، 89 خواتین اور 39 اقلیتی امیدواروں کے لیے مخصوص نشستیں شامل ہیں۔ کانسٹیبل کے لیے کم از کم تعلیمی معیار میٹرک (سی گریڈ) مقرر کیا گیا ہے۔
ریلوے حکام کے مطابق یہ بھرتیاں شفاف اور میرٹ کی بنیاد پر کی جائیں گی، اور تمام تقرریاں ملکی قوانین اور سروس رولز کے مطابق عمل میں لائی جائیں گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
