ڈی جی آئی ایس پی آر کی آزاد جموں و کشمیر کے طلبہ اور اساتذہ کے ساتھ خصوصی نشست

پاک فوج کے شعبہ تعلقات عامہ (آئی ایس پی آر) کے سربراہ لیفٹیننٹ جنرل احمد شریف چوہدری نے آزاد جموں و کشمیر کے طلبہ اور اساتذہ کے ساتھ خصوصی نشست کی۔

تفصیلات کے مطابق خان محمد خان پوسٹ گریجویٹ کالج اور میرپور یونیورسٹی کے طلبا اور اساتذہ نے شرکت کی۔

اس موقع پر طلبا نے کہا کہ آپریشن بنیان مرصوص کی کامیابی پر اہل کشمیر کی طرف سے مبارکباد پیش کرتے ہیں، ہم پاک فوج کے ساتھ کھڑے ہیں اور کسی بھی قربانی سے گریز نہیں کریں گے۔

اساتذہ کا لیفٹیننٹ جنرل احمد شریف سے گفتگو کرتے ہوئے کہنا تھا کہ پاکستان خطے میں نیٹ ریجنل سیٹلائزر کے طور پر ابھر کر سامنے آیا ہے۔