سیکیورٹی فورسز کا خضدار میں آپریشن، 5 بھارتی حمایت یافتہ خوارج مارے گئے

سیکیورٹی فورسز نے بلوچستان کے ضلع خضدار میں آپریشن کیا جس میں 5 بھارتی حمایت یافتہ خوارج مارے گئے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق دہشت گردوں سے اسلحہ، گولہ بارود اور دھماکا خیز مواد بر آمد ہوا۔

آئی ایس پی آر نے بتایا کہ آپریشن فتنہ الہندوستان کے دہشت گردوں کی موجودگی کی اطلاع پر کیا گیا، ہلاک دہشت گرد علاقے میں متعدد دہشت گرد کارروائیوں میں ملوث تھے۔

آئی ایس پی آر کا کہنا ہے کہ ممکنہ دہشت گردوں کے خاتمے کیلئے علاقے میں کلیئرنس آپریشن جاری ہے، سیکیورٹی فورسز بھارتی اسپانسرڈ دہشت گردوں کے خاتمے کیلئے پُر عزم ہیں۔