ای ٹیکسی اسکیم میں درخواست دینے کے خواہشمند افراد کے لئے بڑی خبر آگئی
WebDesk
18 ستمبر, 2025 12:17
Big News for Applicants of Punjab E-Taxi Scheme
پنجاب میں جدید اور ماحول دوست سفری سہولیات کے فروغ کے لیے صوبے کی پہلی ای ٹیکسی اسکیم کا باضابطہ آغاز کر دیا گیا ہے۔
وزیر ٹرانسپورٹ پنجاب بلال اکبر نے اسکیم کا افتتاح کرتے ہوئے بتایا کہ منصوبے کے پہلے مرحلے میں 1100 الیکٹرک گاڑیاں مختص کی گئی ہیں، جن کا مقصد شہریوں کو جدید، آرام دہ اور ماحول دوست ٹرانسپورٹ فراہم کرنا ہے۔
حکام کے مطابق یہ گاڑیاں پانچ سال کی آسان اقساط پر بلا سود فراہم کی جائیں گی تاکہ عام افراد بھی باآسانی اس اسکیم سے فائدہ اٹھا سکیں۔ اسکیم کے تحت 1000 گاڑیاں کارپوریٹ سیکٹر کو دی جائیں گی، جبکہ 100 گاڑیاں انفرادی درخواست گزاروں کے لیے مخصوص کی گئی ہیں۔ اس کے علاوہ خواتین کی شرکت کو فروغ دینے کے لیے خصوصی طور پر 30 ای گاڑیاں ان کے لیے مختص کی گئی ہیں۔
وزیر ٹرانسپورٹ کا کہنا تھا کہ ای ٹیکسی اسکیم عوام کے لیے ایک انقلابی قدم ہے، جو نہ صرف معیاری سفری سہولیات فراہم کرے گی بلکہ ماحولیات کے تحفظ میں بھی معاون ثابت ہوگی۔ انہوں نے کہا کہ اسکیم کے لیے انتہائی آسان شرائط رکھی گئی ہیں تاکہ زیادہ سے زیادہ لوگ اس سہولت سے فائدہ اٹھا سکیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
