امریکا اور بڑی عالمی طاقتوں نے پاکستان کی قربانیوں اور بیانیے کو تسلیم کیا، اسحاق ڈار

نائب وزیراعظم و وزیر خارجہ اسحاق ڈار نے کہا ہے کہ امریکا اور بڑی عالمی طاقتوں نے پاکستان کی قربانیوں اور بیانیے کو تسلیم کیا۔

تفصیلات کے مطابق نائب وزیراعظم و وزیر خارجہ اسحاق ڈار نے پاکستان کی مؤثر سفارتکاری کے بارے میں مضمون میں کہا کہ معرکہ حق آپریشن بنیان مرصوص میں پاکستان کی کامیابی قومی تاریخ کا ایک سنہری باب ہے۔

انہوں نے کہا کہ معرکہ حق کے بعد سفارتی کامیابیوں سے عالمی سطح پر پاکستان کو اعتماد اور وقار بخشا، اقوام متحدہ، او آئی سی اور ایس سی او میں پاکستان کے مؤقف کو عالمی سطح پر بڑی پذیرائی ملی۔

ان کا کہنا تھا کہ امریکا اور بڑی عالمی طاقتوں نے پاکستان کی قربانیوں اور بیانیے کو تسلیم کیا، برطانیہ ، چین، افغانستان، بنگلادیش اور قازقستان سے تعلقات مزید مستحکم ہوئے۔

اسحاق ڈار نے مزید کہا کہ معرکہ حق کے بعد مؤثر سفارتکاری کی بدولت کشمیر، فلسطین اور سی پیک پر پاکستان کا فعال کردار اجاگر ہوا۔