صدر مملکت کی موجودگی میں اُرومچی میں 3 مفاہمتی یادداشتوں پر دستخط
WebDesk
19 ستمبر, 2025 14:00
پاکستان کا آئین مذہبی آزادی اور بنیادی حقوق کی مکمل ضمانت دیتا ہے، صدرِ مملکت
صدر مملکت آصف علی زرداری کی موجودگی میں پاکستان اور چین کے درمیان تین اہم مفاہمتی یادداشتوں پر دستخط کیے گئے۔
ان معاہدوں کا مقصد لائیو اسٹاک انڈسٹری میں جدت، پاکستان میں جدید ٹیکسٹائل انڈسٹریل پارک کا قیام اور فائر ٹرکس و ایمرجنسی آلات کی فراہمی ہے۔
صدر آصف زرداری نے کہا کہ خوراک کے تحفظ، صنعتی ترقی، برآمدات کے فروغ اور آفات سے نمٹنے کی صلاحیت کو بہتر بنانے کیلئے یہ شراکت داری اہم سنگِ میل ثابت ہوگی۔
ان کا کہنا تھا کہ لائیو اسٹاک سیکٹر میں تعاون دیہی علاقوں میں روزگار کے مواقع بڑھائے گا، ٹیکسٹائل پارک برآمدات اور صنعتی ترقی کو فروغ دے گا جبکہ جدید فائر ٹرکس اور آلات عوامی تحفظ اور ایمرجنسی رسپانس کو مزید مؤثر بنائیں گے۔
تقریب میں سلیم مانڈوی والا، پاکستان کے سفیر برائے چین اور چین کے سفیر برائے پاکستان بھی موجود تھے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
