مغوی اسسٹنٹ کمشنر زیارت محمد افضل کو بیٹے سمیت قتل کردیا گیا

بلوچستان کے ضلع زیارت سے دو ماہ قبل اغوا ہونے والے اسسٹنٹ کمشنر (اے سی) محمد افضل اور ان کے بیٹے کو اغوا کاروں نے قتل کردیا۔

لیویز ذرائع کے مطابق محمد افضل کو دو ماہ قبل نامعلوم افراد نے ان کے بیٹے سمیت زیارت کے علاقے زیزری سے اغوا کیا تھا۔

چند روز قبل اغوا کاروں نے اسسٹنٹ کمشنر اور ان کے بیٹے کی ایک ویڈیو بھی جاری کی تھی، جس میں وہ حکومت سے اپیل کرتے دکھائی دے رہے تھے کہ اغوا کاروں کے مطالبات پورے کیے جائیں۔

واضح رہے کہ بلوچستان حکومت نے اس کیس میں اہم پیش رفت کے لیے اغوا کاروں کا سراغ لگانے یا ان کی اطلاع دینے پر 5 کروڑ روپے کے انعام کا اعلان کیا تھا۔