حکومت نے 24 ستمبر کو عام تعطیل کا اعلان کردیا

سندھ حکومت نے 24 ستمبر کو صوبے کے 14 اضلاع میں عام تعطیل کا اعلان کردیا ہے، بلدیاتی ضمنی انتخابات کے موقع پر سندھ کے14 اضلاع میں عام تعطیل ہو گی۔

تفصیلات کے مطابق تعطیل کا اطلاق گھوٹکی، سکھر، خیرپور، میرپورخاص، عمرکوٹ اور مٹیاری میں ہو گاحیدرآباد، جامشورو، دادو، بدین اور ٹھٹھہ میں بھی عام تعطیل ہو گی.

کراچی ویسٹ، کراچی ایسٹ اور کیماڑی اضلاع میں بھی عام تعطیل کا اعلان کیا گیا ہے۔ 14 اضلاع میں بلدیاتی ضمنی انتخابات کیلئے ووٹرز کو سہولت فراہم کرنے کیلئے چھٹی کا نوٹیفکیشن جاری کر دیا گیا۔

خیال رہے کہ 14 اضلاع میں 24 ستمبر بدھ کے روز تمام سرکاری دفاتر اور ادارے بند رہیں گے۔