کراچی میں آج بوندا باندی کا امکان

شہر قائد میں آج رات و شام کے اوقات میں بوندا باندی کا امکان ہے۔

محکمہ موسمیات کے مطابق کراچی کا مطلع جزوی ابر آلود رہنے کے ساتھ موسم مرطوب ہے جبکہ رات و شام کے اوقات میں بوندا باندی ہوسکتی ہے۔

 محکمہ موسمیات نے بتایا کہ گرمی کی شدت 39 ڈگری سینٹی گریڈ تک محسوس کی جائے گی جبکہ موجودہ درجہ حرارت 27 ڈگری سینٹی گریڈ ہے۔

محکمہ موسمیات کا مزید کہنا ہے کہ زیادہ سے زیادہ درجہ حرارت 33 ڈگری سینٹی گریڈ تک ریکارڈ کیا جاسکتا ہے۔