سرکاری ملازم کو ریٹائرمنٹ پر کتنی رقم ملے گی؟ اہم خبر آگئی

اسلام آباد: وفاقی حکومت نے بناولنٹ فنڈ کے تحت سرکاری ملازمین کیلئے ادائیگیوں کی پالیسی میں تبدیلی کا فیصلہ کرلیا۔

ملک ابراراحمدکی زیرِصدارت قومی اسمبلی کی قائمہ کمیٹی کابینہ سیکرٹریٹ کا اجلاس ہوا جس حکام نے بتایا کہ وفاقی حکومت نے بناولنٹ فنڈکے تحت سرکاری ملازمین کے لیے ادائیگیوں کی پالیسی میں تبدیلی کافیصلہ کیا ہے۔

حکام بناولنٹ فنڈ کے مطابق گریڈایک سے 10 تک سرکاری ملازمین کی ریٹائرمنٹ پر 5  لاکھ روپے ادا کیے جائیں گے، گریڈ 10سے16 تک ریٹائرمنٹ پر 10 لاکھ اور گریڈ 16سے آگے ریٹائرمنٹ پر15 لاکھ روپے ملیں گے۔

حکام بناولنٹ فنڈ نے بتایا کہ بناولنٹ فنڈ نےنئی پالیسی کے مالی اثرات جانچنےکے لیے فرم ہائرکرلی ہے اور ٹائم لائن ہمیں وہ فرم فراہم کرےگی۔

قائمہ کمیٹی کے اجلاس میں موجود پی پی رکن آغارفیع اللہ نے کہا کہ وفاقی حکومت افسران کی ریٹائرمنٹ کے بعدان کے مرنےکاانتظارکرتی ہے۔

قائمہ کمیٹی نے نئی پالیسی کے مالی اثرات کی جانچ کے لیےبناولنٹ فنڈ کو 90 دنوں کی مہلت دے دی۔

اجلاس میں وزیراعظم کی طرف سے سیلاب زدگان کے  لیے ریلیف کے حوالے سے بریفنگ بھی طلب کی گئی جس پر اراکین کمیٹی نے سوال اٹھایا کہ پاور ڈویژن سے پوچھا جائے کہ ریلیف کا کیا طریقہ کار ہوگا۔

خیال رہے کہ بعد ازاں  قائمہ کمیٹی کابینہ سیکرٹریٹ نے اس حوالے سے وفاقی وزیر توانائی کوآئندہ اجلاس میں طلب کرلیا۔