آج موسم کیسا رہے گا؟ محکمہ موسمیات نے بتادیا

کراچی کا مطلع ابر آلود رہنے کے ساتھ موسم مرطوب رہے گا۔

محکمہ موسمیات کے مطابق شہر میں رات و شام کے اوقات میں بوندا باندی کا امکان ہے، دن کے اوقات موسم گرم رہے گا، مطلع مکمل ابر آلود رہنے کا امکان ہے۔

محکمہ موسمیات نے بتایا کہ گرمی کی شدت 39 ڈگری سینٹی گریڈ تک محسوس کی جائے گی جبکہ موجودہ درجہ حرارت  28 ڈگری سینٹی گریڈ ہے۔

محکمہ موسمیات کا مزید کہنا ہے کہ زیادہ سے زیادہ درجہ حرارت 33 ڈگری سینٹی گریڈ تک ریکارڈ کیا جاسکتا ہے جبکہ مغربی سمت سے 19 کلومیٹر فی گھنٹہ کی رفتار سے ہوائیں چل رہی ہیں۔