سکیورٹی فورسز کا ڈی آئی خان میں آپریشن، 13بھارتی اسپانسرڈ خوارج ہلاک

راول پنڈی: سکیورٹی فورسز نے خیبرپختونخواہ کے ضلع ڈیرہ اسماعیل خان میں خفیہ اطلاع پر آپریشن کے دوران 13 بھارتی اسپانسرڈ خوارج ہلاک کردیے۔

پاک فوج کے شعبہ تعلقات عامہ آئی ایس پی آر کے مطابق آپریشن کے دوران 13 بھارتی اسپانسرڈ خوارج ہلاک کیے گئے جبکہ ہلاک دہشتگرد بھارتی پراکسی "فتنہ الخوارج” سے تعلق رکھتے تھے۔

آئی ایس پی آر کے مطابق ہلاک دہشتگردوں کے قبضے سے اسلحہ اور گولہ بارود برآمد ہوا جبکہ ہلاک خوارج درابن خودکش حملہ دسمبر 2023 میں ملوث تھے۔

آئی ایس پی آر نے مزید بتایا کہ سرکاری اہلکاروں اور شہریوں کے اغوا و ٹارگٹ کلنگ میں بھی ملوث تھے۔