بحرین کی جانب سے پاکستان کے سیلاب متاثرین کے لیے ریلیف پیکج

مشکل کی اس گھڑی میں برادر ملک بحرین پاکستان کی مدد کے لیے پیش پیش ہے، بحرین نے ہنگامی بنیادوں پر پاکستان کے سیلاب متاثرین کے لیے امداد روانہ کر دی۔

بحرین کا طیارہ بوئنگ 707 ایف متاثرین سیلاب کے لیے امدادی سامان لیکر پاکستان پہنچ گیا۔ امدادی سامان میں 392 خصوصی خیمے اور 13 الیکٹرک جنریٹرز شامل ہیں۔

اس کے علاوہ 65 پانی صاف کرنے والے پمپ، 1660 کمبل اور 3180 پلاسٹک میٹس بھی شامل ہیں، امدادی سامان میں بحرین کی جانب سے بھیجے گئے 416 فوڈ پیکیجز بھی شامل ہیں۔

بحرین کی جانب سے موصول ہونے والی امداد کی تقسیم کا مرحلہ متاثرہ علاقوں میں جلد شروع ہو جائے گا۔

سیلاب متاثرین کے لیے یہ ریلیف پیکج بحرین اور پاکستان کی لازوال دوستی اور یکجہتی کی ایک روشن مثال ہے۔