وائٹ ہاؤس میں وزیراعظم شہباز شریف اور ٹرمپ کی ملاقات طے

وزیراعظم شہباز شریف آج امریکی صدر ڈونلڈ ٹرمپ سے وائٹ ہاؤس میں ملاقات کریں گے۔

تفصیلات کے مطابق ملاقات میں وزیراعظم کے ہمراہ فیلڈ مارشل سید عاصم منیر اور دیگر حکام بھی شریک ہوں گے۔

ملاقات میں دوطرفہ تعلقات، تجارت، علاقائی، عالمی امور ، افغانستان، خطے کی صورتحال، انسداد دہشت گردی کے حوالے سے تعاون سمیت مختلف امور پر تبادلہ خیال کیا جائے گا۔

ملاقات کے بعد وزیراعظم جنرل اسمبلی کے اجلاس میں شرکت کے لیے اسی روز واپس نیویارک آجائیں گے، وزیراعظم جمعہ کو جنرل اسمبلی کے اجلاس سے خطاب کریں گے۔

واضح رہے کہ گزشتہ روز بھی عرب اسلامی سربراہی اجلاس کے موقع پر وزیراعظم کی امریکی صدر سے ملاقات ہوئی تھی۔